Herriko plazan zegoen belar metak su hartu du gaur goizaldean, eta suhiltzaileek itzali egin dute. 06:00 aldera jaso dute abisua suhiltzaileek eta berehala bertaratu dira lekura. Larunbatean erakustaldi gisa altxa zuten belar meta sutan topatu dute, eta sugarrak azkarrago itzaltze aldera, belarra zabaldu egin dute.
Ertzaintzak jakitera eman duenez, ez dakite zerk eragin zuen sutea, eta printzipioz, horretan geratuko litzateke kasua.