Ithaka musika taldeak laster kaleratuko du bere aurreneko diskoa –azaro amaieran–, eta disko horren lehen aurrerapen kantua aste honetan zabaldu du sareetan. Kristalezko du izena abestiak, eta diskoaren izenaren berri ere eman dute: Biluzten.
Abestiaren grabaketa, nahasketa eta masterra ETEN Espazio Sonoroan egin dute Urtzi Izarekin, eta bideoko protagonista Iker Larrañaga dela zehaztu dute.
Bi urteko ibilbidea du taldeak, eta maketa bat ere badute, 2021ean ateratako kantuen errekopilazioa.
Iaz, berriz, Gaztea Maketa Lehiaketako GazteBizHitza saria eskuratu zuten musikari gazteek.