2023ko San Nikolas festen programa adosteko eta jaietan omenduko den norbanako ala elkartea aukeratzeko, hirugarren eta azken bilera egingo du, bihar, asteazkenarekin, festa-batzordeak. Salatxo aretoan bilduko dira, 18:30ean, eta udaletik zehaztu dutenez, egitarauaz gain, ekitaldien beharrak eta aurrekontua ere adostuko dituzte azken bilera honetan.
Bestalde, Orioko Udaletik jakinarazi dute bihar bertan bukatuko dela aurtengo omendua aukeratzeko hautagaiak aurkezteko epea. Proposamenak bidali daitezke kultura@orio.eus helbidera.