Gaurtik aurrera, udal-brigadak hainbat lan egingo ditu N-634 errepideko zubian. Batetik, espaloietako piboteak kenduko dituzte. Oinezkoen eta ibilgailuen segurtasunagatik jarri baziren ere, Udaletik azaldu dutenez, zubiko espaloietako piboteek "kexa ugari eragin dituzte azken urteetan". Horregatik, oinezkoen pasaera errazteko, kendu egingo ditu udal-brigadak.
Bestetik, esku-hartzea aprobetxatuz, hainbat arketa jarriko dituzte, Gabonetan eta ospakizun berezietan zubia dekoratzeko erabiltzen diren argien instalazioa errazteko.
Lanak bi fasetan
Oinezkoen pasabidea bermatzeko, bi fasetan egingo dira lanak: aurrena, ezkerreko espaloikoak egingo dira, Arraunetxearen aldekoak, eta hori bukatutakoan, tren geltokira doan espaloikoak. Lanen iraupena hiru aste ingurukoa izatea aurreikusten da.