Orioko pilota elkarteko Kimetz Atorrasagasti eta Urko Pikabea pilotari gazteek gaur arratsaldean Udaberri txapelketako 1. mailako finala jokatuko dute Lazkaoko LAPKE klubeko Albizu-Andonegi bikotearen kontra. Partida 19:00ean izango da Orioko pilotalekuan. Jarraian, infantilen 1. mailakoa izango da.
Bestalde, Joseba Aranburuk Gipuzkoako Nagusien 2. Mailako lau terdiko finalerdia jokatuko du larunbatean Elgoibarren Txurruka pilotariaren kontra. Egun berean Lorenz Orbegozok, Unai Albeniz bikote duela, Usurbilgo txapelketako finalerdia jokatuko du.