Itzulia Women 2023 txirrindulari probaren hirugarren eta azken etapa Oriotik pasatuko da hilaren 14an, igandearekin.
Hain zuzen ere, txirrindulariek Donostiako Klasikoaren ibilbidea egingo dute; 114,8 kilometro izango ditu etapak. Bada, txirrindulariak Igeldotik iritsiko dira Oriora, Txanka-hondartzako bidetik barrena, Ortzaikako errotondaraino egingo dute bidea eta handik Usurbil aldera hartuko dute.
Horregatik, hondartzako irteera errepidea moztu egingo dute ordubetez. Aurreikusten da 18:00etatik 19:00etara bitartean itxiko dela. Tarte horretan, ibilgailuek Ibaiondotik barrena atera beharko dute herritik, eta Donostiarantz joan nahi izanez gero, Zarautza jo beharko dute, autopista hartzera.