Pasa den ikasturtean, Espainiako Guerreras Promesas taldearekin European Open 2022 txapelketa irabazi ostean, denboraldi berrian Guerreras Jubeniles taldeko kide izateko deitu dute Orio Eragin Klubeko Libe Arruabarrena. Espainiako jubenil mailako selekzioa urriaren 24an bilduko da Sierra Nevadako Errendimendu Handiko Zentroan (Granada, Andaluzia), eta bertan astebetez entrenamendu saio trinkoak egin ondoren, Suediarako bidea hartuko dute, urriaren 31tik azaroaren 2ra Torneo Escandiberico izenekoa jokatzeko. Taldeko arduradunek azaldu dutenez, taldeak erronkaz betetako denboraldia izango du. Izan ere, udazkeneko torneoaz gain, 2023an, Europako Gazteen Jaialdi Olinpikoa eta EHF Euro Championship txapelketak jokatuko dituzte.
Libe Arruabarrenak txapelketa jokatuko du Suedian, Espainiako jubenil mailako selekzioarekin
Espainiako Guerreras Jubeniles taldeak Torneo Escandiberico izenekoa jokatuko du, Norvegia eta Suediaren aurka, urriaren 31tik azaroaren 2ra.
Orio Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide