Orio Arraunketa Elkartean denboraldi berriari begira jarriak dira dagoeneko, eta irekitzear da Arraun Eskolan izena emateko epea. Hori horrela, elkartetik deialdia egin diete arrauna gustuko izan eta arraunean ikasi, gozatu eta lehiatu nahi duten gazteei. Hainbat bilera antolatu dituzte datozen egunetarako, eta interesa dutenek, dagokien orduan eta egunean Arraunetxera azaldu beharko dute.
- Alebinak (2011n eta 2012an jaiotakoak): bihar, irailaren 14an, 17:00etan.
- Infantilak (2009an eta 2010ean jaiotakoak): gaur, irailaren 13an, 17:00etan.
- Kadeteak (2007an eta 2008an jaiotakoak): bihar, irailaren 14an, 17.30ean.
- Jubenilak (2005ean eta 2006an jaiotakoak): gaur, irailaren 13an, 17:30ean.