Urteroko bezala, aire libreko zinema emanaldiak antolatu du udan Orioko Udalak. Haur zein gaztetxoentzako animaziozko bi filma eta helduentzako dokumental bat hautatu dituzte aurtengo programarako. Hasiera batean, Elfkinak filma gaur gauean eskaintzekoak ziren, baina eguraldia dela eta, igandera atzeratzea erabaki dute. Hala, igandean, 22:00etan hasita, emango dute animaziozko filma hondartzan.
Elfkinak 2020ko animaziozko film alemaniarra da, eta lur rzpian 200 urtez bizi izan diren Elfkin izeneko izakiak ditu protagonista. Haietako hiru, Helvi, Kipp eta Butz, lurrazalera igo dira, eta Theo gozogilea ezagutuko dute bertan. Haren bidez, Elfkinen benetako zeregina ezagutuko dute: besteei laguntzea. Zineuskadiren Zinema Euskaraz programaren bidez bikoiztu zen filma, eta zinemetan estreinatu zen.