Pilotari gaztetxoen final bana jokatuko da ostiral honetan, 19:30tatik aurrera herriko udal pilotalekuan. Unai Goikoetxea eta Oier Urrestilla pilotari alebinak Udaberri txapelketako 2. mailako ekialdeko finalean arituko dira lehenbizi, eta ataundarrak izango dituzte aurkari.
Ondoren, infantil mailan, Ganix Miner eta Etxahun Sukiak 2. mailako ekialdeko finala jokatuko dute. Astigarragako Mundarro klubeko pilotarien aurka neurtuko dira.