Ekainaren amaieran ospatuko dira San Pedro festak, eta udala hasi da festak antolatzen herritarrekin elkarlanean. Maiatzaren 18an egin zuten sanpedroak antolatzeko aurreneko bilera, eta bihar, asteazkenarekin, bigarrena egingo dute kultur etxean. 19:30ean jarri dute hitzordua, eta udalak bilerara azaltzeko gonbita egin dio gaian interesa duen herritar eta eragile orori.