Berpiztu izena du Iker Gozategi argazkilariaren ikus-entzunezko proiektu berriak. Barruko emozio eta sentimenduak adierazteko bideogintzara jo du oraingoan, "barrenak husteko" helburuarekin. EITB Kultura saioan jakitera eman duenez, 15 bideo laburrek osatzen dute proiektua, eta horietako bakoitzak emozio bati erantzuten dio. Sortzailearen sare sozialetan ikus daitezke pieza guztiak.