Pandemiagatik albo batera utzitako jarduerei berrekiten hasiak dira herriko jubilatuak eta pentsiodunak. Aste honetan Donostiara irteera egin dute Zaharren Babeslekuak antolatuta, eta dagoeneko iragarri dute hurrengoa: maiatzaren 24an izango da eta Baionara (Lapurdi) joango dira. Honakoa litzateke plana: goizean Baionara iritsi eta denbora librea izango dute, eta gero, 14:00etan bazkaria egingo dute Hondarribiko Ardora jatetxean.
Eskurtsiora joan nahi dutenek txartelak maiatzaren 17an erosi beharko dituzte, 16:30etik 18:00etara, Zaharren Babeslekuan, 35 euro ordainduta. Bi ohar eman dituzte antolatzaileek: lehendabizikoa, autobuseko lekuak zozketa bidez adjudikatuko dituztela; eta bigarrena, txartelak esandako lekuan eta orduan bakarrik salduko dituztela.