'Oihana' ikuskizunerako sarrerak eskuragai daude

Hilaren 29an, ostiralez, Itzuli konpainiak Oihana taularatuko du Orion, dantza eta antzerkia uztartzen dituen lana. Emanaldia kultur etxeko areto nagusian izango da, 19:30ean hasita, eta dagoeneko eskuragai daude sarrerak, hamar euroren truke. Bi modutara eros daitezke: Interneten edo kultur etxean bertan. Gogoan izan kultur etxea itxita egongo dela asteartera arte, eta datorren astean goizez bakarrik zabalduko dutela.