Osasun egoerak eta ezarritako neurriek baldintzatutako bi urteren ondoren, bueltan dira berriz ere Askapenaren brigadak. Atzo aurkeztu zituzten jendaurrean, Orioko Etxeluze gaztetxean. Bertaratutakoei jakinarazi zieten Europan kokatuko dituztela brigada gehienak, gertu sentitzeaz gain, "komunean lana egiteko aukerak sortzen direlako".
Euskal Herriko borrokalariak brigadetan parte hartzera eta "elkartasun internazionalista indartzen laguntzera animatu" nahi dituzte Askapenakoek, eta horretarako, zabalik dute brigadetan izena emateko epea. Harremanetan jartzeko brigadak@askapena.eus helbi- dera idatzi dezake interesa duen orok.
Behin aurkezpena amaituta, hitzordua baliatu zuten Donbass: gerra Europaren bihotzean dokumentala ikusteko, haren zuzendari Ibai Trebiñok azalpenak eman ondoren.