Emakume gipuzkoarrek erronka batean parte hartzea nahi du Gipuzkoako Foru Aldundiaren Kirol Sailak: 40.000 kilometro osatzea kirola eginez urtarrilaren 1etik otsailaren 28ra. Horretarako, izena eman behar da eta aplikazio bat jaitsi sakelako telefonora, eta bi dinamizatzaile ibiliko dira herriz herri horretan laguntzen eta emakumeak informatzen. Hala, bihar, astelehena, Orion ibiliko dira 10:30etik 13:30era eta 15:30etik 18:30era.
Guztira, Gipuzkoako hogei herri zeharkatuko ditu Emakumeak Mugimenduan egitasmoak urtarrilaren 8ra bitartean. Eskualdeari dagokionez, Zarautz izan zen lehen geltokia abendu erdialdean, eta beste hiru herritan ere ibiliko dira egun osoan zehar informazioa banatzen eta izena ematen dutenei elastikoak oparitzen.
Abenduaren 21ean Azpeitian izan ziren, bihar Orio bisitatuko dute, eta, azkenik, abenduaren 28an, Azkoitian ibiliko dira.