Orioko Udalak udazkenerako antolatutako kultur egitarauaren barruan, Nogen taldeak kontzertua emango du datorren larunbatean. Karela kiroldegian izango da, 19:00etan hasita, eta emanaldirako sarrerak Kultur Etxean daude salgai, hamar euroren truke. Kontzertua harmailetatik edo pistatik jarraitzeko aukera izango dute herritarrek; bietarako sarrerek prezio bera izango dute, baina sarrera erosteko garaian esan egin beharko dute nondik ikusi nahi duten.
Donostiako taldeak 2020 amaieran plazaratu zuen Under Alt bigarren diskoa, eta aurkezpen birako kontzertua izango da Orion emango duena.