Orio Eraginen taldeek bihar 10:00etan ekingo diote jardunaldiari. Jubenil mailako neskek lagunarteko partida jokatuko dute Bidasoa-Irun taldearen kontra Karela kiroldegian; eta infantil mailakoek Gipuzkoako Txapelketakoa, Elgoibarren. 11:30ean, kadete mailakoek lagunarteko norgehiagoka jokatuko dute etxean Udaibaiko nesken aurka, eta 17:45etan senior mailako taldeak Gipuzkoako Txapelketako partida lehiatuko du Ordiziaren kontra, Karelan.
Igandean beste bi partida jokatuko dituzte Orioko neskek, biak infantil mailakoak, biak Gipuzkoako Txapelketako neurketak, eta biak Karela kiroldegian: aurrena, 10:00etan, Hernaniren kontra; eta bigarrena, 11:30ean, Elgoibarren kontra.