Gipuzkoako Ezker Hormako Binakako Pilota Txapelketako laugarren jardunaldia jokatu dute asteburuan oriotarrek. Lau partida jokatu dituzte, laurak kanpoan, eta hiru irabazi dituzte.
Eskuz binakako lehengo mailako partidan, Orbegozok eta Aranaldek ordezkatu dute Orio, eta 22 eta 10 irabazi diote Tolosari. Gomazko paletako hirugarren mailako partidetan, berriz, Illarramendik eta Muruak 22 eta 15 galdu dute Urrestillan, Ilunpe2 bikotearen kontrako neurketan; Lizasok eta Aldalurrek 25 eta 8 irabazi dute Mutrikun, Oianguren kontrakoan; eta Esoainek eta Contrerasek 25 eta 16 irabazi dute Mutrikun, Danok Bat2ren aukakoan.