Orioko Surf Taldeko zuzendaritzak azaldu duenez, hilaren 9an egingo da aurtengo surf txapelketa, larunbatarekin. Ondo bidean, txapelketa guztia egun bakarrean egitea aurreikusten dute.
Lau sailetan banatuta jokatuko da lehiaketa: Open, Neskak, Sub16 eta Bodyboard.
Izen emate epea irekita dago dagoeneko, eta OSTren hondartzako lokalean, Itziar Kirolak dendan edo Ttipi Ttapa dendan egin daiteke inskripzioa. 5 euroko kostua izango du, eta ordainketa txapelketaren egunean egin beharko da.