Kintopeko idi demen saioa jokatuko dute gaur Aizarnazabalen. Ostiralean eta larunbatean ere jokatu zituzten idi probak, eta biharkoa azken saioa izango da. Lemoizko (Bizkaia) Txinlo, Billelako (Bizkaia) Lopategi eta Orioko Olidenen idi pareak lehiatuko dira, 21:00etatik aurrera, probalekuan. Guztira, hamar partaide izan dira aurtengo idi demetan, eta 1.300 euro, mantak eta garaikurra eskuratuko ditu irabazleak. Saizar txapelketarako puntuagarria izango da Aizarnazabalgo proba.
Egungo osasun neurriak tarteko, edukiera mugatua izango da idi proban. Dena den, sarrerak lekuan bertan erosi beharko dira.