Orio-Orialkiko neska-mutilek lehia estuak izango dituzte aurretik asteburu honetan ere. Euskotren eta Eusko Label ligetako jardunaldiak dituzte gaur Bilbon eta bihar Santurtzin, eta atseden hartuko dute, berriz, KAE1eko mutilek.
Aurreneko hitzordua gaur 17:55ean izango da. Bilboko III. Bandera jokatuko dute Euskotren ligan. Berdinduta daude sailkapen orokorrean Donostia Arraun Lagunak eta Orio, 25na puntutara, eta estropada garrantzitsua izango da, beraz, gaurkoa ere.
Jarraian gizonen txanda iritsiko da, 18:19an. Bilboko XII. Bandera jokatuko dute. Laugarren da sailkapen nagusian Orio, eta goiko partean mantentzeko borrokatuko da.
Bihar, igandea, Bizkaia aldean jarraituko dute lehian, Santurtzin. 11:40an hasiko da emakumezkoen lehia, eta 12:13an, berriz, gizonezkoena.
EZ DUZU EGIN AURTENGO PORRA? EGIN HEMEN eta irabazi bi lagunentzako otordua Xixario erretegian + Koolore surf modako arropak.