Nolatan animatu animatu zara parte hartzera?
Oriotarra naiz, eta asko sentitzen dut herriarekin lotutako guztia. Parte hartzeko gonbita jasotakoan, zalantzarik gabe eman nuen baiezkoa. Gustura nago parte hartzeko aukera izan dudalako, eta arraun elkarteari laguntzeko prest. Bultzada behar dute arraunlariek eta elkarteak, eta ea jendea animatzen den laguntzera.
Herriak babes zabala eman dizu Realarekin egindako azken denboraldian. Orain, zuk egon nahi izan duzu estropalarien ondoan.
Askotan esan izan dudan modura, herrian oso maitatua sentitu izan naiz betidanik. Herriari maitasuna bueltatzeko modu bat da hau.
Laster hasiko da traineru denboraldia. Zer tankera hartzen diozu?
Arrauna ez du asko ulertzen teknikoki, baina nire bultzada beti izan dute etxeko traineruek. Gogotsu nago estropadak ikusteko. Zer tankera? Salsamendi entrenatzailea hor dago, hari galdetu...
Entrenatzaile modura, parekotasunik ikusten al diezu arraunari eta futbolari?
Teknikoki oso kirol desberdinak dira, baina talde indarrak garrantzia handia du bietan. Pertsonak dira bi kiroletan lehiatzen direnak, eta jakin egin behar da bakoitzarekin eta talde osoarekin harremanak kudeatzen. Alde horretatik, bi kirolak berdintsuak izango dira.