Orio Arraunketa Elkarteak aurtengo estropalarien aurkezpena egin du arratsaldean. Normalean plazan izan ohi da ekitaldia, baina distantziak gordetzeko eduki zitzaketen zailtasunak tarteko, ez dute modurik izan adin guztietako 170 arraunlariak lehorrean aurkezteko.
Hala, enbarkazioak hartu eta uretara jo dute guztiek, eta seiak eta erdiak aldera moilaren parean juntatu dira, ezohiko irudia eskainiz. Bozgoragailuetatik banan banan aurkeztu dituzte estropalari guztiak, eta zaleen igurtzia jasota Arraunetxera itzuli dira batzuk; besteek, entrenatzen jarraitu dute.