Jon Azkue izango da Bidasoaren kapitaina aurrerantzean

Bidasoa Irun taldeak ekitaldia egin zuen astelehenean Artelekun, denboraldiari itxiera emateko. Historian lehen aldiz, publikoki egin zuten taldeko kapitainen arteko eskualdatzea, eta Jon Azkuek besokoa jaso zuen Iker Serranoren eskutik. Orioko jokalariak sare sozialetan azaldu duenez, "ohore handia" izango da berarentzat Bidasoa bezalako "talde historiko" baten kapitain izatea.