Gaur 18:00etan hasita arraun ikuskizuna egongo da herrian bertan, errioan. Izan ere, aulki mugikorreko jardunaldia jokatuko da, eta ondoren, gainera, Aulki Mugikorreko Gipuzkoako Txapelketak, zortziko nagusikoak. Azpimarratzekoa da, gizonezkoena ez ezik, emakumezkoena ere jokatuko dela.
Bost ontzi lehiatuko dira gizonezkoetan Gipuzkoako banderaren bila: Ur-kirolak A eta B; Arraun Lagunak-Donostia; Hondarribia eta Orio. Emakumezkoetan, hiruren artean egongo da lehia: Arraun Lagunak Donostia; Hondarribia; eta Santiagotarrak-Irun taldeen artean, hain zuzen.