Asteburuan eskubaloi partidak jokatuko dituzte Eragin klubeko taldeek. Gaur bertan izango da lehenengoa eta Kadete mailako Sinergia Orio taldeak Aiala Zarautz izango du aurkari, 12:00etan hasita. Beste bi partidak larunbatean izango dira etxetik kanpo. Alde batetik, Kadete mailako Neolith Oriok Aiala Zarautz B taldearen aurka jokatuko du norgehiagoka, 10:00etan, Zarautzen. Eta arratsaldean, Jubenil mailako Andu Proiektuak Orio taldeak ere zarauztarren aurkako partida jokatuko dute, 17:45etik aurrera.
Eragin klubeko arduradunek jakinarazi dute, aurrerantzean, etxeko partidak Youtube bidez zuzenean ikusteko aukera izango dela.