Ibai Marinek disko berria eman du argitara aste honetan. Desde lo salvaje izenburupean plazaratu du zortzi abestirekin osatutako lana, eta kantuak entzungai daude plataforma digitaletan.
Hainbat urtez Hira taldeko abeslaria izan eta gero, ibilbide propioari ekin zion Marinek, eta bere izen-abizenekin argitaratzen duen bigarren diskoa da oraingoa. Lan berrian gaztelaniara jo du letrak egiteko, baina tartean, bada euskarazko abesti bat; Oriori eskainitakoa, hain zuzen ere. Herriko imaginarioaren elementuei errepasoa emanez, lau minutuko abesti rockeroagoa osatu du. Diskoa ixten duen pieza da, eta albisteari lotutako bideoan entzun daiteke.