Ruper Ordorika musikari oñatiarrak kontzertua eskainiko du hilaren 12an, lehenengoz bere musikari ibilbidean, Orioko Karela kiroldegian. Astelehenean jarri zituzten salgai 220 sarrera Kultur Etxean, 10 euroan, eta, jada, amaitu dira.
Julen Alonsok larunbat honetan eskainiko duen Sutan Dantzan ikuskizuneko eserlekuak ere azkar bete ziren, baita San Nikolas eguneko bertso-saiokoak ere.
Hala eta guztiz ere, ez da oraindik amaitu udalak abendurako prestatutako kultur agenda. Abenduaren 19an, Zetak musika-taldearen kontzertua izango da. 22an, Urpekariak haurrentzat bertso-antzerkia. 26an, berriz, Anari abeslariaren kantaldia. Hilaren 28an, Ispirit gospel taldearen kontzertua eta, amaitzeko, abenduaren 30ean eta urtarrilaren 2an, Losers. Galtzaileak antzezlana eta Xabi Solano Maiza & Kimua dantza-kolektiboaren emanaldia.
Abenduaren 19tik aurrerako emanaldien sarrerak laster jarriko dituzte salgai Kultur Etxean.