Bizilagunok, beti sinetsi izan dut auzolanean, nire bizitzan zehar hainbat ekintza kulturaletan parte hartu izan dut.
Ume guztiek jolasteko parke txiki eta xarmant bat dago Ikastolaren eta ibaiaren artean. Pixkanaka landarerik gabe gelditzen ari zen, eta hori ikusirik, larunbat arratsalde batean gure balkoi eta baratzetatik landare mordoxka hartu eta landatu egin genituen, parkea berpizteko asmoz.
Harro sentitu ginen gure lanaren emaitzaz, baina gutxi iraun zuen; igande goizera arte. Zenbait landare sustraietatik aterata zeuden, eta berriz landatu genituen. Berriz atera zituzten, berriz ere landatu... Erabat zapaldu eta birrindu zituzten azkenean.
Zer kalte egin lezake landare sorta horrek?
Zer kalte egin lezake, umeek parke itxuroso batean jolasteak, parke hil eta triste batean jolastu beharrean?
Zer kalte egin lezake gure doako borondatezko lan horrek?