Mikel Urdangarinek kantaldia eskainiko du azaroaren 14an Orioko Karela kiroldegian. Pasa den hastean, saioa 20:00etan hasiko zela jakinarazi zuen udalak, baina ordubete aurreratzea erabaki dute, pandemia-egoera dela-eta agintariek hartutako azken neurriak betetzeko.
Hala, Mikel Urdangarinen kontzertua 19:00etan izango da, 21:00etarako bukatu ahal izateko. Ordu-aldaketagatik ekitaldira joan ezin dutenek, sarrerak kultur etxean bueltatzeko aukera dute, eta dirua itzuliko zaie.
260 laguneko aforo muga izango du emanaldiak, eta oraindik badaude sarrerak. 10 euroko prezioa dute.