Mikel Urdangarinek kantaldia eskainiko du azaroaren 14an Orioko Karela kiroldegian. Hasiera batean, saioa 22:00etan hastea aurreikusten zen, baina aurreratzea erabaki du udalak, pandemia-egoera dela-eta agintariek hartutako azken neurriak betetzeko. Hala, Mikel Urdangarinen kontzertua 20:00etan hasiko da. Sarrera erosita daukan norbaitek, ordu-aldaketagatik, ekitaldira joan ezingo balu, kultur etxean bueltatu ditzake sarrerak eta dirua itzuliko zaio.
260 laguneko aforo muga izango du saioak, baina oraindik ere sarrerak eros daitezke, 10 euro ordainduta.