Sarek Izan Bidea dinamika berria jarri du martxan, Euskal preso eta iheslarien egoerari irtenbidea bilatzen laguntzeko helburuarekin.
Dinamika berri honek erronka bat du oinarri: "Baietz 3.127.326 km egin!". Hain zuzen ere, Euskal Herriak duen biztanle kopurua da zifra hori: "Hiru milioi kilometro egiten hasiko den hiru milioi biztanleko herri bat, xede bakarrarekin: bidea egitea; etxerako bidea, elkarbizitzarako bidea, bakerako bidea", adierazi dute antolatzaileek.
Erronkarekin bat eginez, urriaren 3an Kukuarrira igoera antolatu dute Orion, larunbatarekin. Hala, 11:30ean argazki herrikoia egin nahi dute gailurrean, ekimenean parte hartuko duten guztiekin.
Egitasmoa segurtasun neurriak gordez egingo dela nabarmendu du antolakuntzak, eta, edukiz gero, dinamikako kamiseta soinean eramateko eskatu dute.