Datorren ostegunean, irailak 17, beste ipuin-kontaketa saio bat izango da Ines Bengoaren eskutik. Oraingoan, "munduko ipuinak" ekarriko ditu gurera, eta 5-8 urte bitarteko haurrentzako izango da saioa. Gurasorik gabe sartuko dira gazteak.
18:00etan hasiko da ipuin-kontaketa, Orioko kultur etxeko areto nagusian. Orioko Udalak azaldu duenez, plaza mugatuak izango dira: 30 pertsonak hartu ahalko dute parte, eta beraz, bertaratzeko asmoa dutenek, gonbita-txartela jaso beharko dute aldez aurretik. Kultur etxean egongo dira eskuragarri, irailaren 11tik, ostirala, aurrera.