Iritsi da traineru denboraldiko zitarik garrantzitsuena. Kontxako sailkatze estropadak jokatuko dituzte gaur eta bihar Donostiako badian, 17:30ean hasita.
Emakumezkoen txanda izango da gaur. Iganderako zazpi txartel daude jokoan, eta, guztira, hamabost txalupa izango dira lehian arratsaldean. Zortzigarren txartela Donostiarrarena da.
Traineruak bi multzotan banatu dituzte: A eta B. Zozketa bidez zehaztuko da nortzuk aterako diren lehen. A taldean daude faborito nagusiak, baina B taldeko traineru batzuk ere badituzte sailkatzeko aukerak.
Gizonezkoek, berriz, bihar jokatuko dute estropada, ordu berean.