Gaur, COVID-19a izan dutenak eta haren eraginez hil direnak omentzen ari dira Zarauzko Jira-Bira taldeko txirrindulariak. Bizikleta ibilbidea egiten ari dira Arabako, Bizkaiko eta Gipuzkoako hiriburuetatik igarota, eta Arantzazuko Santutegian amaituko dute bidea. Bertan, Amabirjinari eskaintza egingo diote. Hala, 09:30ak inguruan, Oria ibaia zeharkatzen duen N-634 errepideko zubitik igaro direnean, Orio Arraunketa Elkarteko emakumezkoen trainerua izan dute zain, eta zubitik pasa direnean arraunak gora igo dituzte arraunlariek, ekimenarekin bat egiteko.