Azken urteetan, liburutegia arratsaldez eta lau orduz ireki izan da. Aurrerantzean, Udal Gobernuak aho batez onartu ostean, ordutegi berria izango du: astelehenetik ostiralera goiz eta arratsaldez egongo da irekita, 10:00-13:00etara eta 16:00-19:30etara.
Liburutegiaren kontzeptua eta funtzionamendua asko aldatu da azken urteetan. Lehen, umeak eta gazteak bertaratzen ziren batik bat, etxeko lanak egitera, informazioa bilatzera eta irakurtzera; heldu batzuk ere bai, liburuak maileguan hartzera. Gaur egun, berriz, erabiltzailearen profila anitzagoa da: gurasoak haurrekin, gazteak, erretiratuak... Liburutegia toki dinamikoa bilakatu da.
Aldaketarekin, eskualdeko gainontzeko liburutegien ordutegi eta zerbitzu berak izango ditu Oriokoak.