Urtero bezala, Danbolin Musika Eskolako ikasleek dantza emanaldia eskaini dute gaur arratsaldean Karela kiroldegian. Bi zatitan banatuta egon da ikuskizuna: aurrena, 4-6 urte bitarteko tailerreko ikasleek egin dute dantza, eta, ondoren, 7-15 urte bitarteko ikasleek (argazkietan ikusgai). Kiroldegiko harmailak erabat bete dira dantzari txikien eta gazteen erakustaldia ikusteko.