Urtarrilaren 19an, igandearekin, Oria ibaiko 2020ko lehen arraun txapelketa jokatuko da. Distantzia Luzeko Gipuzkoako Txapelketa izango da, eta bertan infantil, kadete, jubenil eta absolutu mailako ontziek parte hartuko dute.
Adin tarte bakoitzak bere mailara egokitutako ibilbidea osatu beharko du. Hau da, infantil eta kadete mailako arraunlariek 4.000 metroko estropada jokatuko dute, Sarikolatik Oriora bitartekoa. Jubenil eta absolutu mailakoek berriz, 6.000 metroko ibilbidea izango dute.