Baso, zuhaitz eta landare autoktonoak sustatzeko jarduera egin du gaur Herrio Natur Taldeak. Pietatea eskulturaren estalpean jarri dute postua, eta haziak banatu dituzte mahaira hurbildu diren herritarren artean; gainera, haziak etxean nola landatu behar diren ere azaldu diete. Hala, behin landareak hazten direnean, inguruko basoetan landatzera animatu dituzte herritarrak.