Orioko Zaharren Babeslekuak urria hastean abiatu zuen ikasturte berria. Hala, ohiko jarduerak jarri zituzten martxan berriz; besteak beste, bingo saioak eta pentsio duinen aldeko elkarretaratzeak. Aste honetarako ere jarri dituzte hitzorduak, beraz. Asteazkenean, urriak 16, bingoan aritzeko elkartuko dira, 16:30etik 18:30era. Ostegunean, urriak 17, asteroko protesta egingo dute, aste honetatik aurrera, Zakilaneko aldapan izango da; pentsio duinen alde bilduko dira, 18:30ean. 10 minutuko elkarretaratzea izango da.