Herribil herri ekimenaren hamabosgarren edizioa izango da aurten, abenduaren 20an, iluntzean. Ikuskizunaren antolatzailea den Harribil dantza taldeak bilerara deitu ditu herriko talde eta eragileak beren jarduna emanaldian eskaintzeko.
Azken urteotan Talai Mendi dantza taldea, Errikotxia bertso eskola, Orioko Herri Ikastola, Salatxo Abesbatza, Danbolin musika eskola eta Talai Mendi txarangak hartu dute parte Herribil ikuskizunean, baina antolatzaileek herriko eragile guztiei zabaldu diete gonbita.
Urriaren 11an, ostiral honetan, Kosta Tailerrean izango da bilera arratsaldeko 20:00etan.