Elkarlanerako hitzarmena sinatu berri dute Orio Arraunketa Elkarteak eta Usurbilgo Urbil saltoki guneak, 2019. urterako. Hala, Urbil OAEren babesleetako bat izango da denboraldi honetan, eta batez ere, Orioko emakumezkoen taldea eta Berdin Berdinak proiektua babestuko ditu. Emakumezkoen taldekoek Urbilen logotipoa jantziko dute, eta hainbat jarduera bateratu egingo dituzte denboraldian zehar.
Pasa den larunbatean, maiatzak 11, akordio horretatik eratorritako lehenengo ekimena egin zuten Urbilen. Berriz ere hemengatoztink kanpainari bultzada bat ematea zen asmoa, eta OAEren ontzi bat kokatu zuten saltoki gunearen barruan.
Ibon Huegon OAEko presidenteak eta Javier Colorado Urbileko kudeatzaileak sinatu dute hitzarmena. Coloradoren arabera, modu horretan sendotu dituzte "ingurunearekin hartutako lau konpromisoak. Hain zuzen, kultura, emakumeen kirola, gizarteratze soziala eta ingurumena dira konpromiso horiek.