Ez ohiko asteburua izango da datorrena futbol hitzorduei dagokionean. Izan ere, Orioko futbol talde askok atsedena izango dute, eta partida bakarra jokatuko da Mendilbeltz zelaian. Gaur arratsaldean izango da, 18:00etan hasita, eta Orioko taldeak Vasconia izango du aurkari.
Bestalde, larunbatean, nesken ohorezko kadete mailako taldeak Touring taldearen aurka partida jokatuko du, 09:30ean Errenteriako Fanderia zelaian. Arratsaldean berriz, jubenil mailako mutilek Sanpredotarraren aurka izango dute hitzordua Trintxerpen.