Eguraldia lagun izan arren, aurreikustakoa baino olatu txikiagoekin jokatu zuten atzo txapelketa Zumaian. Mikel Atxega oriotarrak hirugarren postua lortu zuen Open mailan: Orokorrean, gustura aritu nintzen lehian, sentsazio onarekin. Final-laurdenetako txanda irabazi ostean, ia segidan jokatu nuen finalerdia, deskantsatzeko tarterik gabe. Andoni Izaga zumaiarrak kaleratu ninduen. Gero, berak irabazi zuen finala ere.
Mikelek lehen urtea du Open mailan, eta ez zuen podiumera igotzea espero: Oso gustura itzuli nintzen etxera, uste baino emaitza hobea lortuta.