Lanak Murgil Eraikuntzak, Betilan Eraikuntzak eta Amilibia ontziolak egingo dituzte. Obrak, guztira, 120.000€ inguruko kostua izango du eta Gipuzkoako Foru Aldundiko Ondare sailak 14.000 eurorekin diruz lagunduko du.
Ekialdeko fatxada konpondu
Lanen bigarren fase honetan, ontziolako eraikinaren ekialdeko fatxada osatuko da, eraitsi berri den eraikinaren kontra zegoena. Bestalde, konporta berrituko da eta eraikinaren kanpoko eta barruko ibilbideak egokituko dira, eraikina bisitagarri egiteko.
Gauzak ondobidean, lanak azaroaren bukaerarako amaituko dira.
Behin lanak bukatu ostean, Azkoitiako Lanbide heziketako zentroarekin egindako hitzarmenaren baitan, barruko aldea egokitzeko lanak hasiko dira, ontziola erabilgarri jartzeko lanerako.