Hamaika t´erdiak aldera, bisita gidatua hasi dute museoan barrena, eta han izan dira ordu pare batez. Artistaren obra ezberdinak ezagutzeko aukera izan dute, gida baten azalpenekin lagunduta. Segidan, Jorge Oteiza eta Itziar Carreño lurperatuta dauden hilobira gerturatu dira, eta han Androkanto abestia kantatu dute, bihar artistaren jaiotzaren 110.urteurrena izango dela-eta omenalditxoa egiteko.
Eguerdian, ordubi t´erdiak aldera, Iruñeko alde zaharrean dagoen Aldapa elkartean bazkaldu dute, eta kantu-kantari, ia arratsaldeko seiak arte luzatu zaie bazkalondoa.