Denboraldi hasieran Lorcan izandako istripua eta horrek sortutako lesioa gaindituta, asteburuan Nafarroako Rallya irabazi du Gorka Eizmendik oriotarrak, Diego Sanjuan kopilotu duela. Nafarroako Rallya Espainiako Rally Txapelketarako seigarren proba puntuagarria izan zen, eta oriotarrak garaipena lortu zuen, Daniel Alonsori eta Josep Basolsi aurre hartuta.
Hasieratik sailkapenaren buruan jarri zen Eizmendi, eta txandaz txanda aurkariei ateratzen zien tartea mantentzea lortu zuen oriotarrak.