Orioko Surf Taldeak, beste urtebetez, uda amaierako festa antolatu du abuztuaren 31erako. Aurten ere, musikari oriotarrez osaturiko Safi band & hereje fighters taldeak reggae kantu ezagunak joko ditu, beste estiloetako abestiekin batera, gaueko hamar t´erdietatik aurrera.
Festa arratsaldean hasiko da, iaz bezala, lagunarteko volley ball txapelketarekin. Gero, 20:30ean, afariak emateari ekingo diote, surf elkartearen lokal parean.
Txapelketan parte hartzeko eta afaltzeko, Orioko Surf Taldeko lokalean jarriko diren orrietan eman beharko da izena, bihartik aurrera.