Garaipen berri bat lortu du Orio B ontziak

Santoñako estropada irabazi du Orioko gizonezkoen bigarren traineruak gaur eguerdian. Laugarren txandan aritu da lehian, Camargo, Donostiarra eta Santoñarekin batera, eta Camargorekin parez pare ibili ostean, azken luzean nagusitu da, 21:13,77koarekin. Azkenean, 3 segundo atera dizkio bigarren sailkatu den Camargori; hirugarren Getxo izan da, 10 segundora. Gaur arratsaldean, 19:30ean, harrera egingo diete arraunlariei udaletxean.